سبق ۲: پیسٹ رسک انالیسز میں اصطلاحات اور غیر یقینی صورتحال
موضوع ۱ : پی آر اے (PRA) میں اہم اصطلاحات اور تصورات
اس موضوع میں ، آپ ان اصطلاحات اور تعریفوں کے بارے میں سیکھیں گے جو پی آر اے (PRA) کے لئے اہم ہیں ۔ آئی پی پی سی (IPPC) کا ایک حوالہ جاتی معیار ہے ، آئی ایس پی ایم(ISPM)نمبر۔ ۵ نباتاتی حفظانِ صحت کی اصطلاحات کی لغت – جو دنیا بھر میں تحفظ نباتات کی سرگرمیوں کی اصطلاحات اور تعریفوں کی مخصوص مطلب کے ساتھ فہرست پیش کرتی ہے ۔ آئی ایس پی ایم (ISPM) نمبر ۔۵آئی پی پی سی (IPPC) اور اس کے بین الاقوامی معیارات کے اطلاق کے ساتھ منسلک ایک ہم آہنگ ، بین الاقوامی طور پر اتفاق کئے گئے الفاظ کے ذخیرے کی فراہمی کے لئے تشکیل دیا گیا تھا ۔
مقاصد:
- ہم آہنگی کو فر وغ دینے اور کمیونیکیشن کو بہتر بنانے میں بین الاقوامی طور پر اتفاق کی گئی تحفظ نباتات کی تعریفوں کی اہمیت کی وضاحت کرنا جب تحفظ نباتات کے معاملات پر غور کیا جارہا ہو ۔
- سمجھنا کہ نباتاتی حفظانِ صحت کی اصطلاح کیسے شامل ، ترمیم ، اور اپ ڈیٹ کی جاتی ہے ۔
- پیسٹ رسک انالیسز کی اصطلاح کا جائزہ لینا اور اس کی وضاحت کرنا ۔
- قرنطینہ میں رکھے گئے پیسٹ کے تصور بشمول اس کے ضروری اجزا کی وضاحت کرنا ۔
- اقدامات کے تصور کی وضاحت کرنا اور متعلقہ اصطلاحات کی تعریف پیش کرنا ۔
نباتاتی حفظانِ صحت کی اصطلاحات اور پی آر اے
آئی پی پی سی (IPPC) کی جانب سے اپنائے گئے حوالہ جاتی معیارات میں ایک سب سے اہم آئی ایس پی ایم (ISPM) نمبر ۔ ۵ ۔ نباتاتی حفظانِ صحت کی اصطلاحات کی لغت ہے ( آئی پی پی سی ، ۲۰۱۳ ) ۔ یہ حوالہ جاتی معیار اصطلاحات ( اور تعریفوں ) کا مجموعہ ہے جو تحفظ نباتات میں عام طور پر استعمال کی جاتی ہیں ۔ آئی ایس پی ایم نمبر ۔۵ ہم آہنگی کو فروغ دیتا ہے اور آئی پی پی سی سے متعلق معاہدے کرنے والی پارٹیز کے درمیان نباتاتی حفظانِ صحت کے معاملات کی کمیونیکیشن اور سمجھ بوجھ کو بہتر بناتا ہے ۔ تحفظ نباتات کی تمام سرگرمیوں کے لئے اہم اصطلاحات اور تعریفوں میں اضافے ، حذف کرنے ، ترمیم ، یا مزید وضاحت کے لئے ئی ایس پی ایم نمبر ۔۵ سالانہ بنیادوں پر اپ ڈیٹ کیا جاتا ہے ۔ نیچے ، ہم پیسٹ رسک انالیسز کے لئے انتہائی اہم اصطلاحات اور اور تعریفوں کا جائزہ لیں گے اور ان کے مخصوص مفہوم کا مطالعہ کریں گے ۔ ہم آہنگ بنائی گئی اصطلاحات کی اہمیت نہ صرف اصطلاحات کی تشریح کرنے ، بلکہ اصطلاحات میں شامل تصورات اور نازک فرق کو بیان کرنے پر منحصر ہے ۔
پیسٹ رسک انالیسز
آئی ایس پی ایم نمبر ۔۵ پیسٹ رسک انالیسز کو اس طرح بیان کرتا ہے :
" حیاتیاتی یا سائنسی اور اقتصادی شواہد کا جائزہ لینے کا عمل ، اس تعین کے لئے کہ کیا ایک آرگینزم ایک پیسٹ ہے ، کیا اس کا انضباط کیا جانا چاہیئے ، اور اس کے خلاف اٹھائے جانے والے کسی نباتاتی حفظانِ صحت کے اقدامات کی طاقت کیا ہونی چاہئے ۔ "
آئیے اس تعریف کے ہر حصے کا زیادہ قریب سے جائزہ لیں ۔
- "حیاتیاتی یا سائنسی اور اقتصادی شواہد کا جائزہ لینے کا عمل" ہمیں یاد کراتا ہے کہ پیسٹ رسک انالیسزمختلف اقسام کے شواہد کی بنیاد پر ہونا چاہیئے ۔
- پیسٹ رسک انالیسز "اس تعین کے لئے کہ کیا ایک آرگینزم ایک پیسٹ ہے" ۔ اس کا مطلب یہ ہے کہ یہ فیصلہ کرنے کے لئے کہ کیا سوال میں آرگینزم نباتات کے لئے نقصان دہ ہے ، متعلقہ حیاتیاتی شواہد استعمال کئے جانے چاہیئیں ۔
- اگر پیسٹ نقصان دہ تصور کیا جاتا ہے ، تو "کیا اسے ریگولیٹ کیا جانا چاہیئے" کے بارے میں ایک فیصلہ ضرور کیا جانا چاہیئے ۔ یہ فیصلہ اس جانچ پڑتال سے کیا جاسکتا ہے کہ کیا آرگینزم ایک یا ایک کی تعریف پر پورا اترتا ہے ۔ قرنطینہ میں رکھے گئے پیسٹ کو نیچے دیکھیں ۔
- آپ نیچے دیکھیں گے کہ قرنطینہ میں رکھے گئے پیسٹ کی تعریف کے مطابق "ضروری" ہے کہ آرگینزم اقتصادی نقصان کے سبب "بننے کا امکان" رکھتا ہو ۔ لہٰذا ، اقتصادی شواہد کا جائزہ لینے کی ضرورت واضح ہے ۔
- آخر میں ، پیسٹ رسک انالیسز کو پیسٹ کے خلاف "اٹھائے جانے والے کسی نباتاتی حفظانِ صحت کے اقدامات کی طاقت" کا تعین ضرور کرنا چاہیئے ۔ تعریف کا یہ حصہ نشاندہی کرتا ہے کہ رسک کی سطح ( ایک پیسٹ موجود ہو سکتا ہے ) اور اس پیسٹ کے لئے اطلاق کی گئی رسک مینجمنٹ ( اقدامات ) کی سطح ( طاقت ) کے درمیان ایک واضح تعلق ہونا چاہیئے ۔
قرنطینہ میں رکھا گیا پیسٹ : ایک علاقے کے لئے ممکنہ اقتصادی اہمیت کا ایک پیسٹ جس کی وجہ سے علاقہ رسک سے دوچارہو گیا ہو اور ابھی وہ وہاں موجود نہ ہو ، یا وسیع پیمانے پر پھیلا نہ ہو اور سرکاری طور پر کنٹرول کیا جارہا ہو ۔
ریگولیٹ کیا گیا قرنطینہ میں نہ رکھا گیا پیسٹ : ایک قرنطینہ میں نہ رکھا گیا پیسٹ جس کی کاشتکاری کے لئے نباتات میں موجودگی ایک اقتصادی طور پر نا قابل قبول اثر کے ساتھ ان نباتات کے مطلوبہ استعمال کو متاثر کرتی ہے اور لہٰذا جسے درآمد اور معاہدہ کرنے والی پارٹی کے علاقے کے اندر ( ضابطے میں لایا ) ریگولیٹ کیا جاتا ہے ۔
قرنطینہ میں رکھا گیا پیسٹ
آئی ایس پی ایم (ISPM) نمبر ۔۵ قرنطینہ میں رکھے گئے پیسٹ کی تعریف کچھ اس طرح کرتا ہے
" ایک علاقے کے لئے ممکنہ اقتصادی اہمیت کا ایک پیسٹ جس کی وجہ سے علاقہ رسک سے دوچارہو گیا ہو اور ابھی وہاں موجود نہ ہو ، یا وسیع پیمانے پر پھیلا نہ ہو اور سرکاری طور پر کنٹرول کیا جارہا ہو ۔ "
یہ پیسٹ رسک انالیسز کے لئے بنیادی اصطلاح ہے ۔
اِس تعریف میں آئی پی پی سی (IPPC) اور ایس پی ایس معاہدے سے متعلق بہت سے اہم تصورات اور اصول شامل ہیں ۔ آئیے اس کے اجزا پر علیحدہ علیحدہ غور کریں اور ہر ایک کے پس پردہ ریگولیٹری مضمرات کا جائزہ لیں ۔
- "ممکنہ اقتصادی اہمیت کا ایک پیسٹ" یہ بیان واضح طور پر نشاندہی کرتا ہے کہ اقتصادی نقصان کے لئے پیسٹ سے منسلک کچھ امکان ضرور ہوگا ۔ آئی ایس پی ایم (ISPM) نمبر ۔۵ اور ۱۱ ایک پیسٹ کی ممکنہ اقتصادی اہمیت کا تعین کرتے ہوئے جن عوامل پر غور کرنا چاہیئے ان کے بارے میں راہنمائی فراہم کرتے ہیں ۔ یہ اضافی راہنمائی ہمیں بتاتی ہے کہ سماجی کے ساتھ ساتھ ماحولیاتی اثرات بھی اقتصادی اثرات کے طور پرسمجھے جا سکتے ہیں ۔
- "اس کی وجہ سے رسک سے دوچار کردیئے گئے علاقے کے لئے" یہ بیان تجویز کرتا ہے کہ جب پیسٹ کے اقتصادی نقصان کی وجہ بننے کے امکان پر غور کر رہے ہوں تو ایک مخصوص علاقے کا تعین کیا جانا چاہیئے ۔ سارے پی آر اے کے علاقے میں پیسٹ کی ترویج ہو بھی سکتی ہے اور نہیں بھی ہو سکتی ( پی آر اے ( PRA ) علاقہ وہ علاقہ ہے جہاں پیسٹ رسک انالیسزکیا جاتا ہے ) ۔ لہٰذا ، وہ علاقہ ہے جہاں پیسٹ کی ترویج ہو سکتی ہے ، اور ، وہ علاقہ جس پر پیسٹ رسک انالیسز میں غور کیا جاتا ہے ، دونوں کے درمیان تفریق کرنا فائدہ مند ہوتا ہے ۔ کئی مرتبہ یہ علاقے ایک جیسے ہوتے ہیں ، لیکن بڑے ممالک کے لئے جن کے بہت سے مختلف موسمیاتی زونز ہیں ، رسک سے دوچار علاقہ ، پی آر اے ( PRA ) علاقے کا ایک چھوٹا حصہ ہو سکتا ہے ۔
رسک سے دوچار علاقہ : ایک علاقہ جہاں ماحولیاتی عوامل ایک پیسٹ کی ترویج میں مدد دیتے ہیں جن کی علاقے میں موجودگی کے نتیجے میں اقتصادی طور پر اہم نقصان ہو گا ۔
پی آر اے علاقہ: علاقہ جس کے تعلق سے پیسٹ رسک انالیسز کیا جاتا ہے ۔
- "اور ابھی وہاں موجود نہ ہو ، یا وسیع پیمانے پر پھیلا نہ ہو اور سرکاری طور پر کنٹرول کیا جارہا ہو ۔" پہلا بیان ہمیں بتاتا ہے کہ ایک پیسٹ کے لئے ایک “ قرنطینہ میں رکھا گیا پیسٹ “ ہونے کے لئے ، اسے اس ملک میں پایا نہیں جانا چاہیئے ۔ یاد کریں کہ تکنیکی جواز اور قومی برتاؤ کے اصول ایس پی ایس معاہدے اور آئی پی پی سی ( IPPC ) میں کہتے ہیں کہ ایک پیسٹ کے خلاف اقدامات تکنیکی طور پر قابل جواز نہیں ہیں اگر پیسٹ ایک ملک میں پہلے ہی پایا جاتا ہے اور نہیں کیا جارہا ہے ۔ بیان کا اگلا حصہ نشاندہی کرتا ہے کہ ایک استثنٰی دیا جاسکتا ہے اگر پیسٹ کا پھیلاؤ محدود ہے اور وہ ایک سرکاری کنٹرول کے تحت ہے ( محدود کرنے یا خاتمے کے پروگرامز این پی پی او ( NPPO )کی جانب سے سرکاری طور پر کئے جاتے ہیں )
سرکاری طور پر کنٹرول کیا گیا : قرنطینہ میں رکھے گئے پیسٹس ، یا ریگولیٹ کئے گئے قرنطینہ میں نہ رکھے گئے پیسٹس کے انسداد یا انہیں محدود کرنے کے مقصد کے تحت لازمی نباتاتی حفضان صحت کے طریقہ کار کا سرگرم نفاذ ، اور اطلاق ۔
- "قرنطینہ میں رکھے گئے پیسٹ" کی وضاحت ، ٹیکسون (Taxon) سے مختلف نہیں ہے : اصطلاح کا اطلاق تمام متعلقہ ٹیکسا (Taxa) پر ہوتا ہے جس میں آرتھو پوڈز (Arthopodes) ، دیگر ان ورٹی بریٹس (Invertebrates) [ جیسے کہ مولسکس (Mollusks) اور نیما ٹوڈز (Nematodes)] ، پیتھوجنز ، اور ویڈز (جڑی بوٹیاں) شامل ہیں ۔
پاتھ وے
آئی ایس پی ایم ( ISPM ) نمبر ۔۵ پاتھ وے کی وضاحت اس طرح کرتا ہے "کوئی بھی ذریعہ جو ایک پیسٹ کے داخلے یا پھیلاؤ کی اجازت دیتا ہے" ۔ جب پی آر اے کر رہے ہوں ، تو پاتھ وے ( پاتھ ویز ) کی وضاحت کرنا اہم ہے جس کے ذریعے پیسٹ داخل / یا پھیل سکتا ہے ۔ پی آر اے ز ( PRAs) پیسٹس کے گروپس پر کئے جاسکتے ہیں جو ایک واحد مقررہ پاتھ وے کی پیروی کرتے ہیں ( مثال کے طور پر ، نباتات اور نباتاتی پروڈکٹس ) یا ایک واحد پیسٹ پر مرکوز ہو سکتے ہیں جو ایک یا زیادہ پاتھ ویز کی پیروی کرنے کی صلاحیت رکھتے ہیں ۔
دیگر "پیسٹ" کی اصطلاحات
قرنطینہ میں رکھے گئے پیسٹ کی اوپر بتائی گئی تعریف کے علاوہ ، آئی ایس پی ایم (ISPM) نمبر ۔۵ میں پیسٹس کی تشریح اور وضاحت کے لئے استعمال کی جانے والی بہت سی اضافی اصطلاحات ہیں ۔ ان اصطلاحات کے درمیان تفریق کرنے اور ان کے درمیان تعلق کو سمجھنے کے قابل ہونا اہم ہے ۔ مزید جاننے کے لئے نیچے دیئے گئے ڈایا گرام میں اصطلاحات کے اوپر اپنا کمپیوٹر ماؤس رکھیں ۔
